Eines Dags steeg Jesus en et Boot,
un sing Jünger däten im nohkumme.
Op einmol kom ene mächtige Storm op
un dat Boot woodt vun de Welle üvverflutet.
Der Jesus ävver wor am Schlofe.
Do däten de Jünger in wach maache.
Se hatte Kadangs un reefe:
Häär, dun uns rette, mer gon kapodd.
Hä saht:
Woröm hat ehr so e Muffesause, ehr Bangedresser?
Hä stund op un dät däm Wind und däm Sie dräue,
un et woodt ganz stell.
De Lück däte verbasert luure un sahte:
Wat es dat för ene Minsch,
dat selvs der Wind un der Sie för im pareere?